Худалдан авалт

Гэрээгээр орчуулга хийх ажил үйлчилгээ (зөвхөн хувь хүмүүс) ханган нийлүүлэх тухай

“Оюу толгой” ХХК (цаашид 'Компани' гэх) боломжит эсхүл туршлагатай хувь хүмүүсийг Гэрээгээр орчуулга хийх ажил үйлчилгээ (зөвхөн хувь хүмүүс) ханган нийлүүлэх тухай Оролцох сонирхлоо илэрхийлэх хүсэлт (ОСИХ)-нд сонирхлоо ирүүлэхийг урьж байна.

["Оролцох сонирхлоо илэрхийлэх хүсэлт-ОСИХ" нь Тендерийн үйл ажиллагааны эхний шат бөгөөд худалдан авах хэрэгцээт бүтээгдэхүүн үйлчилгээг нийлүүлэх сонирхолтой, чадавхи бүхий боломжит ханган нийлүүлэгчид зах зээл дээр байгаа эсэхийг олж тодорхойлох зорилготой үйл явц юм]

Гэрээгээр орчуулга хийх сонирхолтой хувь хүмүүс нь дараах бүх үйлчилгээг хүргэх ба тэдгээрээр хязгаарлагдахгүй:

Ажлын цар хүрээний тухай:

  • Дараах хэлнээтөрөл бүрийн мэргэжил, чиглэлийн орчуулгыг чанарын өндөр түвшинд үнэн зөв хийх:
    • Монголоос Англи, Англиас Монгол
    • Монголоос Хятад, Хятадаас Монгол; эсвэл Англиас Хятад, Хятадаас Англи
  • Эдгээр хэл дээрх орчуулгыгхянах, засварлах
  • Аман орчуулга

Дараах шалгуурыг хангасан, хамтарч ажиллах сонирхолтой хувь хүмүүсийг тендерт оролцох хүсэлтээ ирүүлэхийг урьж байна:

  • Техник, уул уурхай, геологи, барилга, зам, санхүү, хууль, байгаль орчин зэрэг олон чиглэл, салбарын орчуулга хийж байсан баялаг туршлагатай байх
  • Орчуулгыг чанарын өндөр түвшинд, оновчтой зөв хийж, хугацаанд нь ирүүлэх
  • Бичгийн болон дүрмийн өндөр түвшний мэдлэгтэй байх
  • Орчуулгыноновчтой зөв байдал, чанар, бүтээмжийг гол үзүүлэлт болгоно.
  • Оюу толгой ХХК-с материал, тоног төхөөрөмж зэрэг нөөцөөр хангахгүй.

Туршлагатай, сонирхсон хувь хүмүүс доор дурдагдсан мэдээлэл, бичиг баримтуудыг ирүүлнэ үү:

Ажлын цар хүрээнд шаардлагатай нэмэлт бичиг баримтууд:

  • Товч намтар /CV/
  • Диплом, холбогдох гэрчилгээний хуулбар
  • Иргэний үнэмлэхний хуулбар
  • Хийсэн томоохон ажлын жагсаалт

Оролцох сонирхлоо илэрхийлэх хүсэлтэй хувь хүмүүс “Оюу” Ханган нийлүүлэгчдийн мэдээллийн санд бүртүүлсэн байх шаардлагатай. “Оюу” мэдээллийн санд бүртгүүлж амжаагүй ханган нийлүүлэгчид https://oyu-supplierdatabase.ot.mn/ цахим хаягаар орж бүргүүлнэ үү.

Оролцох сонирхол илэрхийлэх хүсэлтээ Англи болон /эсхүл Монгол хэл дээр бэлтгэн “Оюу” Ханган нийлүүлэгчдийн мэдээллийн сангаар дамжуулан 2019 оны 4-р сарын 25-ны 17:00 цагаас өмнө ирүүлнэ.

Анхаарах зүйлс:

  • Компани нь зөвхөн Оролцох сонирхлоо илэрхийлэх хүсэлт хүлээн авахаар зарлаж байгаа ба энэ нь ханган нийлүүлэгчдээс ямар нэг бүтээгдэхүүн, ажил үйлчилгээ худалдан авах амлалт, баталгаа өгч байгаа хэрэг биш юм.
  • Компани нь дутуу эсвэл заасан хугацаанаас хоцорч ирүүлсэн материалыг хүлээн авахаас татгалзах эрхтэй
  • Өөр интернет мэдээллийн сан болон бусад вэб хуудсанд хадгалсан Оролцох сонирхлоо илэрхийлэх хүсэлт болон түүнийг татаж авах холбоос зэргийг хүлээж авахгүй.
  • Компани нь энэхүү Оролцох сонирхлоо илэрхийлэх хүсэлт бэлдэж ирүүлэхтэй холбоотой аливаа зардлыг хариуцахгүй.
  • Оролцох сонирхол илэрхийлэх хүсэлт зарын хүрээнд асуулт хүлээн авахгүй.

“ОЮУ ТОЛГОЙ” ХХК

ХУДАЛДАН АВАЛТЫН ГАЗАР