Хэвлэл мэдээлэл
Хэвлэлийн мэдээ

Оюу толгойн үйл ажиллагаа, үйлдвэрлэлийн мэдээ

Монгол Улс, Улаанбаатар хот,

2014 оны гуравдугаар улиралд 134,100 тонн баяжмал үйлдвэрлэв

"Оюу толгой" компани 2014 оны гуравдугаар улирлын үйл ажиллагаа, үйлдвэрлэлийн талаарх тайлан мэдээгээ өнөөдөр олон нийтэд хүргэлээ.

"Оюу толгой" компани 2014 оны 7, 8, 9 дүгээр сард 134,100 тонн зэсийн баяжмал үйлдвэрлэв. Ингэснээр энэ онд үйлдвэрлэсэн нийт баяжмалын хэмжээ 377,000 тонн боллоо.

Есдүгээр сард баяжуулах үйлдвэрийн хаягдал өтгөрүүлэх хоёр байгууламжийн нэгэнд гэмтэл гарч үйлдвэрлэлд тодорхой хэмжээгээр нөлөөлсөн. Уг байгууламжийг засах хугацаанд баяжуулах үйлдвэр хүчин чадлынхаа 60 хувиар ажилласан. Баяжуулах үйлдвэрийн хүчин чадал багассан хэдий ч өндөр агуулгатай хүдэр боловсруулсаны үр дүнд гуравдугаар улиралд үйлдвэрлэсэн баяжмал дахь металлын агуулга өмнөх улирлын хэмжээнээс хол зөрөөгүй байна.

Гуравдугаар улиралд борлуулалтын хэмжээ үйлдвэрлэлээс давж, баяжмалын нөөц багасчээ.

"Оюу толгой" компанийн Санхүү хариуцсан захирал Стив Дугган "Манай хамт олон баяжуулах үйлдвэрийн хаягдал өтгөрүүлэх байгууламжид гарсан гэмтлийг маш богино хугацаанд аюулгүй аргаар засч, үйлдвэрлэлд үзүүлэх сөрөг нөлөөллийг багасгаж чадлаа. Бид үйлдвэрээ ашиглалтад оруулах үе шатаас тогтвортой үйлдвэрлэл рүү шилжихэд ахиц дэвшил гарган ажиллаж байна" гэлээ.

Оюу толгойн үйлдвэрлэлийн талаарх хамгийн сүүлийн үеийн мэдээллийг доорх хүснэгтээс үзнэ үү. Нэмэлт мэдээллийг "Туркойз Хилл" компанийн үйлдвэрлэлийн тайлангаас авна уу.

Оюу толгойн үйлдвэрлэлийн үзүүлэлт 2014 оны 3-р улирал 2014 оны эхний 9 сар
Боловсруулсан хүдэр ('000 тонноор) 7,029 20,367
Бутлагч руу орох хүдрийн дундаж агуулга (хүдрийн агуулга)
Зэс(%) 0.59 0.55
Алт (г/т) 0.80 0.64
Мөнгө (г/т) 1.64 1.58
Үйлдвэрлэсэн зэсийн баяжмал ('000 тонноор) 134.1 377
Баяжмалын дундаж агуулга (% Зэс) 27.3 26
Үйлдвэрлэсэн баяжмал дахь металл
Баяжмал дахь зэс ('000 тонноор) 36.. 98.2
Баяжмал дахь алт ('000 унциар) 132 311
Баяжмал дахь мөнгө ('000 унциар) 216 608
Борлуулсан баяжмал дахь металлууд
Баяжмал дахь зэс ('000 тонноор) 53.6 118.3
Баяжмал дахь алт ('000 унциар) 144 298
Баяжмал дахь мөнгө ('000 унциар) 323 710

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.