Хэвлэл мэдээлэл
Хэвлэлийн мэдээ

"Оюу толгой" компани 2015 оны II улирлын тойм мэдээгээ гаргалаа

Монгол Улс, Улаанбаатар хот,

Аюулгүй ажиллагаа, үйлдвэрлэлийн амжилт, орон нутагт хэрэгжих шинэ төслүүд

“Оюу толгой” ХХК өнөөдөр аюулгүй ажиллагаа, байгаль орчны гүйцэтгэл, татвар төлөлт болон нийгэм, боловсролын чиглэлийн хөрөнгө оруулалт зэрэг ажлын үзүүлэлт бүхий шинэчилсэн тойм мэдээгээ гаргалаа.

“Оюу толгой” ХХК-ийн Ерөнхийлөгч бөгөөд Гүйцэтгэх ерөнхий захирал Эндрью Вүдлэй “Оюу толгойн сүүлийн тойм мэдээ нь өнгөрсөн хагас жилийн аюулгүй ажиллагаа, үйлдвэрлэл болон бусад чухал үзүүлэлтүүдийг нэгтгэсэн, өндөр хурдтай өсөн дэвжиж буй дэлхийн хэмжээний Монгол компанийн байр суурийг бататган харуулсан чухал мэдээлэл юм” гэлээ.

“Оюу толгой” компани 2015 оны хоёрдугаар улиралд аюулгүй ажиллагааг нэн тэргүүнд тавьж, ноцтой осол аюулгүй ажиллан, гэмтэл бэртлийн давтамжийн үзүүлэлтээрээ Рио Тинто компанийн хэмжээнд тэргүүлэгчдийн нэг хэвээр байна. Байгаль орчны гүйцэтгэл тогтвортой үргэлжилж, нэг тонн хүдэр боловсруулахад дунджаар 0.43 шоо метр ус ашигласан нь дэлхийн дундаж буюу нэг тонн хүдэр боловсруулахад 1.2 шоо метр ус ашигладаг үзүүлэлтээс нэлээд доогуур байгаа юм. Үүнээс гадна өнгөрсөн хугацаанд хэрэглэсэн усныхаа 87.5 хувийг дахин ашигласан байна.

“Оюу толгой” компани энэ онд 155 сая ам.долларыг татвар, хураамж болон бусад төлбөрт, 150 сая орчим ам.долларыг үндэсний худалдан авалтад, үүний дотор 30 сая ам.долларыг Өмнөговь аймгийн ханган нийлүүлэгчдэд зарцуулаад байна. Мөн 1.5 сая ам.долларыг сургалт, боловсролын хөтөлбөрт, 1.2 сая ам.долларыг Өмнөговь аймгийн тогтвортой хөгжлийн төсөл, хөтөлбөрүүдэд зарцуулжээ.

“Оюу толгой”-н тойм мэдээг эндээс үзнэ үү


“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.