Ажил мэргэжил

Хүний нөөцийн бодлого

Бид “Оюу толгой” компанийн үнэт зүйлс болон ёс зүйн зан төлвийг зохистойгоор баримтлан ажиллахыг хичээдэг. Манай ажилтнуудын соёл нь аюулгүй ажиллагаа, ёс зүй, хамтын ажиллагаа, хариуцлага дээр суурилдаг.

Сонгон шалгаруулалт
Бид ажилд орох хүсэлт гаргасан иргэн бүрт адил, тэгш боломж олгож, ажилтан сонгон шалгаруулалтаа шударга, ил тодоор явуулдаг.

Сонгон шалгаруулах явц нь тухайн ажлын байрны шаардлагыг тодорхойлсноор эхэлдэг.

Нээлттэй ажлын байрны зарыг тухай бүрт нь өдөр тутмын “Өдрийн сонин”, “Өнөөдөр”, “Үндэсний шуудан”, “Нийслэл таймс” сониноор зарладаг.

Нээлттэй ажлын байруудыг манай цахим хуудасны Нээлттэй ажлын байр хэсгээр зарладаг.

Өргөдөл хүлээн авах хугацаа дуусмагц дараахь байдлаар шалгаруулалт хийнэ. Үүнд:

  • Ажлын байрны өргөдлүүдийг зард дурдсан шалгуурын дагуу анкетын шалгаруулалт хийнэ.
  • Анкетын шалгаруулалтад тэнцсэн өргөдөл гаргагчийг ярилцлагад урина
  • Өмнөх ажил олгогчдын тодорхойлолтыг шалган нягтлах зэрэг багтдаг.

Сонгон шалгаруулах комисс хоёр ба түүнээс дээш гишүүдээс бүрдэх учир эцсийн шийдвэрийг нэг хүн гаргадаггүй.

“Оюу толгой” компанид ажилд орох өргөдөл гаргахад ямар нэгэн төлбөр, хураамж төлөхгүй.

Монгол ажиллах хүчин
"Оюу толгой" компани Монгол улсын иргэдийн хөдөлмөр эрхлэлтийг нэмэгдүүлж, тухайн албан тушаалд тохирох хүмүүсийг сонгож авдаг.

Бид монгол иргэдийг, Өмнөговь аймгийн оршин суугчдыг ажилд авахыг чухалчилдаг бөгөөд 2015 оны III улирлын эцсээр “Оюу толгой”-д ажиллаж буй монгол ажилтнуудын тоо нийт ажиллах хүчний 95 хувьд хүрээд байна. Үүнээс 21.6 хувийг Өмнөговь аймгийн иргэд эзэлж байна.