Хэвлэл мэдээлэл
Мэдээ

Амжилтын түүх: Тогтвортой хөгжлийн жишээ 'Сэтгэшгүй хойч'

- Ажилтны тоогоо нэмж, үйлдвэрлэлийн байраа өргөжүүлжээ -

'Сэтгэшгүй хойч' ХХК анх 2007 оноос Өмнөговь аймгийн Даланзадгад суманд үйл ажиллагаа явуулж эхэлсэн бөгөөд хэвлэлийн бүх төрлийн үйлчилгээ, худалдаа, үйлдвэрлэл эрхэлдэг. Анх жижиг хэвлэл, фото зураг, компьютерийн засвар үйлчилгээ сэлбэг дагалдах хэрэгсэлийн худалдаа эрхэлдэг байв. Оюу Толгой ХХК-тай 2010 оноос эхлэн хамтран ажиллаж, өнөөдөр бэлэг дурсгалын зүйлс, аюулгүй ажиллагааны тэмдэг тэмдэглэгээ нийлүүлж байгаа юм.

Эднийх анх 2 хүний бүрэлдэхүүнтэй хувь хүний нэрээр ажил үйлчилгээ явуулж байсан бол 2012 оноос үйл ажиллагаагаа өргөжүүлж 'Сэтгэшгүй хойч' компаниа албан ёсоор бүртгүүлэн, 180 ам метр талбайтай үйлдвэрийн байр шинээр барьж, байнгын 16, гэрээт 10 ажилтантай болжээ. Мөн аймгийнхаа Мэргэжлийн сургалт үйлдвэрлэлийн төвтэй хамтран ажилтнуудаа сурган хөгжүүлсэн байна. Эднийх Оюу Толгой компанийн хөдөлмөр хамгаалал, аюулгүй байдлыг нэн тэргүүнд тавьдаг, бүтээгдэхүүний чанар, стандарт, хүргэлт, тээвэрлэлтийн найдвартай байдлыг чухалчлан ажилладаг.

Уул уурхайн томоохон төсөлтэй хамтран ажилласнаар бүтээгдэхүүний нэр төрөл нэмэгдэж, тоо, стандарт сайжирсан төдийгүй тоног төхөөрөмжүүдээ шинэчлэн, ажилчдынхаа орон тоог ч нэмэгдүүлжээ. Орон нутгийн жижиг, дунд үйлдвэрүүд ийнхүү дотоод, гадаадын уул уурхайн төслийн ханган нийлүүлэгч болсоноор урт хугацааны тогтвортой хөгжил бий болж, үйл ажиллагаа нь олон талаар өргөжиж байгаагийн нэг жишээ нь 'Сэтгэшгүй хойч' компани юм.

Аливаа ажлын амжилт нь ажиллах хүчин, цалин хангамжийн таатай систем, ажлын байрны таатай орчин байдаг. Тиймээс тус компани энэ онд ажилчдынхаа цалин хангамжийг нэмэгдүүлэх бодлого хэрэгжүүлж байна.

'Сэтгэшгүй хойч' ХХК-ийн захирал Ж.Бялхамбилэг “Манай компанийн хамт олон одоогийн эрч хүчээ алдалгүй улам амжилтаа ахиулж, цаг үргэлж харилцагч үйлчлүүлэгчдийнхээ эрэлт хэрэгцээ шаардлагад нийцсэн бүтээгдэхүүн үйлдвэрлэх талаар онцгой анхааран ажиллах зорилготой” хэмээн ярьж байна.

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.