Хэвлэл мэдээлэл
Мэдээ

Илтгэл: Т.Мөнхбат, 'Төслийн нэг ойлголт – ил тод байдал' чуулган

Т.Мөнхбат
Оюу Толгой ХХК-ийн, Нөөцийн стратеги ба шинэчлэлийн хэлтэс, үйл ажиллагаа төслүүд хариуцсан дэд захирал

'Төслийн нэг ойлголт – ил тод байдал' чуулган - 2013 оны 5 сарын 21


Эрхэм хүндэт ноёд, хатагтай нараа, хүндэт төлөөлөгчид өө,

Оюу Толгой ХХК-ийн нэрийн өмнөөс энэхүү арга хэмжээнд оролцож, төслийн талаарх танилцуулга хийх боломж олгосонд талархаж байгаагаа илэрхийлье.

Би илтгэлдээ Оюу Толгой төсөл эхэлсэн түүхээс эхлээд өнөөдрийг хүртэл гаргасан амжилтын тухай мэдээлэл бэлтгэлээ. (Илтгэлийн хоёрдахь хэсгийг төслийн менежментийн системийн талаар АЙ ТИ-н хэлтсийн менежер Тулга танилцуулах болно).

Оюу Толгой төсөл нь манай улсын түүхэн дэх хамгийн том, дэлхийн давцан дээр одоогийн байдлаар мега төслийн хэмжээнд орж байна. Бид ямар ч дэд бүтэцгүй говь нутагт ердөө 30 орчим сарын хугацаанд уул уурхайн хамгийн сүүлийн үеийн дэвшилтэт зэсийн ил уурхай, баяжуулах үйлдвэрийг босгож чадлаа.

Манай төр засаг, хөрөнгө оруулагчдын тогтвортой түншлэлийн үр дүнд НҮБ-ын гишүүн 44 орны 18 мянга орчим инженер-техникийн ажилчид хамтран Өмнөговь аймгийн нутагт улсынхаа түүхэнд тэмдэглэхүйц томоохон амжилтад хүрсэн нь энэ билээ.

Оюу Толгойд анх бид арав гаруй жилийн өмнө геологи-хайгуулын ажил, судалгаа шинжилгээ эхлүүлж байхад тэр үед тааралдсан жижиг алга, бор толгод ийм агуу их зэсийн нөөцтэй болно гэж төсөөлөөгүй явжээ. Гэтэл өнөөдөр энэ нь төсөл болон олон нийтийн тун сонирходог сэдвийн нэг болжээ.

 


Т.Мөнхбат-н хэлсэн үгтэй бүрэн эхээр нь танилцана уу.

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.