Хэвлэл мэдээлэл
Мэдээ

Илтгэл: Жан Себастьян Жак, "Оюу толгой уурхайн зэсийн баяжмалын экспорт эхэллээ"

Рио Тинто компанийн Зэсийн группийн Гүйцэтгэх захирал ноён Жан Себастьян Жак үзэгчдэд хандан Оюу Толгой компанийн ажилчдын хичээл зүтгэлийг өндөр үнэлж байгаагаа дурьдлаа.

Та бүхэндээ энэ өдрийн мэндийг хүргэж, өнөөдрийн түүхэн ач холбогдолтой үйл явдалд хуран цугларсанд талархал илэрхийлье. Манай ёслолд хүрэлцэн ирж, бидэнтэй хамт байсан Монгол улсын Ерөнхий сайд эрхэмсэг ноён Алтанхуяг, Уул уурхайн сайд Ганхуяг, бусад хүндэт зочдод гүнээ талархаж байна. Монгол Улсад, нийт Монголын ард түмэнд энэ ялдамд талархал илэрхийлье.

Оюу Толгой шиг дэлхийн түвшний асар том уурхай үйлдвэрлэлээ эхлүүлэх нь ховор байдаг. Энд хүрэлцэн ирсэн нь бахархалтай, бас хүндэтгэлтэй зүйл байна гэж санагдаж байна. Рио Тинтод бүх групп компанийн хамт олны нэрийн өмнөөс, Оюу Толгойн ажиллагсдад болон Монголын ард түмэнд баяр хүргэе.

Оюу Толгойн хувьд энэ бол урт, удаан аялал байлаа. Анхны нээлт хийсэн мөчөөс бараг 12 жил өнгөрлөө. Энэ нь удаан санагдах боловч, бидний төсөөлж буй 50 гаруй жилийн ашиглалтын хугацааны багахан л хэсэг юм. Энд цугларсан та бид энэ хугацаанд гарах сорилт, тулгарах бэрхшээлүүдийг хамт даван туулахын төлөө эрч хүчтэй ажиллах хэрэгтэй юм. Бид өөрсдийнхөө төлөө биш, бидний хойч үе, үр хүүхдийнхөө төлөө энэ хөрөнгө оруулалтаа хийж байгаа нь ойлгомжтой.


Жан Себастьян Жак-н хэлсэн үгтэй бүрэн эхээр нь танилцана уу.

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.