Хэвлэл мэдээлэл
Мэдээ

Илтгэл: Галсангийн Батсүх, Монголын Уул Уурхайн Чуулга Уулзалт, Перт хот

“Оюу Толгой: Монголын уул уурхайн салбарт шинэ зам нээж өгсөн бүтээн байгуулалтын анхдагч төслийн сорилтууд”

Сайд нар аа, хүндэт зочидоо, ноёд хатагтай нар аа,

Энэ хуралд үг хэлэх болсондоо баяртай байна. Монгол улс дахь хөрөнгө оруулалт хийх боломжийн талаар Австрали улсад зохион байгуулж буй энэ хуралд илтгэл тавих боломж гарч байгаа нь нэн тааламжтай байна.

Зохион байгуулагч нарт энэхүү хуралд оролцох сайхан боломж олгосонд мөн талархлаа илэрхийлье.

Дипломат алба хашиж, мөн бизнесийн байгууллагад ажиллаж байхдаа дэлхийн олон оронд Монголын тухай ярих завшаан надад олон гарч байлаа. Өнөөдөр би гадаадын шууд хөрөнгө оруулалтыг татаж чадвартай улс болоход урт удаан замдаа явж буй Монгол улсынхаа тухай санал бодлоо та бүхэнтэй хуваалцмаар байна.


Оюу Толгой ХХК-ийн Төлөөлөн удирдах зөвлөлийн дарга Галсангийн Батсүхын хэлсэн үгтэй бүрэн эхээр нь танилцана уу.

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.