Хэвлэл мэдээлэл
Мэдээ

Оюу Толгой ХХК-ийн 2013 оны шилдэг ажилтан С.Ёндоншарав

Тасралтгүй ажиллаж буй манай үйлдвэрт техникийн найдвартай байдал чухал


Зураг дээр даран PDF хувилбарыг үзэх

Та С.Ёндоншаравтай танилц. Тэрээр удирдах авьяастай, хамт олныхоо дунд нэр хүндтэй нэгэн. Өнгөрсөн онд Оюу Толгой компанийн шилдэг ажилтнаар шалгарсан юм.

Түүнийг 2012 онд анх ажилд орох үед ил уурхайн хүнд машин механизмын засварын газар байгуулагдсанаар өнөөдөр үйл ажиллагаа нь жигдэрч ил уурхайн техникийн найдвартай байдлыг хангах боломж бүрдсэн юм. Түүний багийн ажил цаг нартай уралдсан тун хариуцлагатай. Ил уурхайн бүх машин тоног төхөөрөмжийн хэвийн ажиллагааг хариуцдаг.

Тэрээр “Манай хамт олны ажил бол яг түргэн тусламжийн эмчийнхтэй адил. Уурхайн үйл ажиллагаа тасралтгүй явагдах ёстой. Тэр тусмаа энэ олон машин, техник найдвартай, аюулгүй ажиллах шаардлагатай. Оюу Толгойн бүтээн байгуулалт амжилттай дуусч, одоо экспортоо тасралтгүй хийхэд Монголынхоо шилдэг залуустай хамт ханцуй шамлан ороод байгаа нь миний хувьд нэр төрийн хэрэг юм” гэв.

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.