Хэвлэл мэдээлэл
Мэдээ

Оюу Толгой ХХК-ийн 2013 оны шилдэг ажилтан Д.Бүдрагчаа

Бид хамтдаа баяжмал үйлдвэрлэж баялаг бүтээдэг бизнесийг хөгжүүлж байна


Зураг дээр даран PDF хувилбарыг үзэх

Та Д.Бүдрагчаатай танилц. Баяжуулах үйлдвэрийн Судалгаа, хөгжлийн металлургич. Химийн инженер, металлургичийн мэргэжилтэй. Оюу Толгойд 2003 оноос ажиллаж байгаа нэгэн.

Металлургийн лабораторийн бүх төрлийн сорил хийх ажлын мэдээллийн бааз дээр суурилсан стандарт файлуудыг боловсруулах ажлыг амжилттай удирдаж, 2013 оны шилдэг ажилтан болжээ.

Тэрээр "Хүдрийн металлургийн судалгаа хийх энэ ажил хариуцлагатай. Бидний ажлыг хамтын ажиллагаа, харилцан туслалцаагүйгээр төсөөлөх боломжгүй юм.

Оюу Толгойчууд хамтдаа бүтээн байгуулалтаас үйлдвэрлэлд шилжсэн түүхийг бичилцэж, өдгөөүйл ажиллагаагаа жигдрүүлэх үйлсэд оролцож буйгаараа бахархдаг. Одоо барилга бүтээн байгуулалтаа ардаа орхиж, баяжмал үйлдвэрлэж, баялаг бүтээдэг бизнесийг та бид хамтдаа хөгжүүлж байна" гэсэн юм.

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.