Хэвлэл мэдээлэл
Мэдээ

Оюу Толгой ХХК-ийн 2013 оны шилдэг ажилтан Б.Баярмаа

Баялгаа боловсруулж эх орныхоо эдийн засгийн хөгжилд хувь нэмрээ оруулж байна


Зураг дээр даран PDF хувилбарыг үзэх

Та Б.Баярмаатай танилц. Тэрээр Оюу Толгой компанид найман жил ажиллаж байгаа туршлагатай нэгэн. Хангамжийн хэлтсийн ахлах мэргэжилтэн Б.Баярмаа Оюу Толгой уурхайгаас олон улсын зах зээлд гаргах зэсийн анхны баяжмалын экспортын ажлуудыг мэдлэг, чадвараа ашиглаж, амжилттай шийдвэрлэсэн юм.

Түүний хувьд бүтээн байгуулалтын үед ажлын хэрэгжилтийг төлөвлөсөн хугацаанд нь багтааж гүйцэтгэх нь чухал байсан бол өнөөдөр үйл ажиллагаа жигдэрсэн үед аюулгүй ажиллагааг нэн тэргүүнд анхаарч, ханган нийлүүлэгчдийг бодит амьдрал дээр дэмжин ажилладаг хэмээн үздэг байна.

Тэрээр "Оюу Толгой төслийн талбай дээр найман жилийн өмнө ирэхэд цэлийсэн говийн дунд байрласан жижигхэн гэр кэмп угтаж байлаа. Гэтэл өнөөдөр бүхэл бүтэн цогц үйлдвэртэй болчихсон үйл ажиллагаагаа явуулж байна" хэмээн ярилаа.

“Оюу толгой” ХХК-ийн тухай (www.ot.mn)

“Оюу толгой” бол Монгол улсын хамгийн том зэс, алтны компани бөгөөд Монгол улсын Засгийн газар, “Туркойз Хилл Ресурс” болон “Рио Тинто” компани хоорондын стратегийн түншлэл юм. Монголын өмнийн говьд үйл ажиллагаа явуулдаг “Оюу толгой” компани 2013 оны долдугаар сард анхны зэсийн баяжмалаа экспортод гаргасан билээ. Оюу толгойн менежментийг гүйцэтгэгч “Рио Тинто” компани Оюу толгойг дэлхийн хамгийн орчин үеийн уурхай болгохын төлөө олон улсын тэргүүн туршлага, орчин үеийн дэвшилтэт техник, технологиор хөрөнгө оруулж байна. Оюу толгой аюул осолгүй ажлын байр бий болгож, хүрээлэн байгаа байгаль орчноо хамгаалах шинэ стандарт тогтоохын төлөө ажилладаг.

"Оюу толгой"-н Фэйсбүүк болон Твиттер хаягаар бидэнтэй холбогдож болно.