EOI - Оролцох сонирхол хүлээн авах

Хамгаалалтын арьсан гутал монголд үйлдвэрлэн нийлүүлэх тухай

Тендерийн дугаар: WS1033188273
Нээх огноо: 2017-05-31 09:00
Хаах огноо: 2017-06-02 17:00
Гэрээ байгуулахаар төлөвлөсөн хугацаа:
Баримт бичиг:
Татах

“Оюу толгой” ХХК (цаашид 'Компани' гэх) боломжит туршлагатай компаниудыг “Хамгаалалтын арьсан гутал” Монголд үйлдвэрлэн нийлүүлэх тухай Оролцох сонирхлоо илэрхийлэх хүсэлт (ОСИХ)-ээ ирүүлэхийг урьж байна.

["Оролцох сонирхлоо илэрхийлэх хүсэлт-ОСИХ" нь Тендерийн үйл ажиллагааны эхний шат бөгөөд худалдан авах хэрэгцээт бүтээгдэхүүн үйлчилгээг нийлүүлэх сонирхолтой, чадавхи бүхий боломжит ханган нийлүүлэгчид зах зээл дээр байгаа эсэхийг олж тодорхойлох зорилготой үйл явц юм]

Нийлүүлэгч нь дараах бараа эсвэл ажил, үйлчилгээг ханган нийлүүлэх шаардлагатай ба үүгээр хязгаарлагдахгүй:

Монгол улсын Өмнөговь аймагт байрлах, “Оюу толгой” уурхайд жилд дундажаар 5,000 ширхэг хэрэглэгддэг “Хамгаалалтын арьсан гутал”-ыг Монголд үйлдвэрлэн нийлүүлэх

  • Хамгаалалтын арьсан гутланд тавигдах үндсэн шаардлагууд.

  • ISO 20345:2004, S3 стандартад нийцсэн
  • ISO 20347:2004 стандартад нийцсэн
  • 200 жоуль цохилт ба даралтанд тэсвэртэй хамрын хатуулгатай
  • Устай орчинд ажиллахад тэсвэртэй, чийгний хамгаалалттай
  • Гадны биет нэвтрүүлэхгүй хамгаалалттай
  • Цахилгаан орны нөлөөнд ордоггүй
  • Халтирдаггүй ултай
  • Халалтаас хамгаалсан ултай
  • Тостой орчинд, төрөл бүрийн химийн бодис ба шүлтлэг орчинд ажиллахад тэсвэртэй ултай
  • Зүсэлт, хагарах болон цууралтаас хамгаалсан ултай
  • Чичиргээ доргилтын хамгаалалттай
  • Гутлын хэл болон шилбэний зөөлөн хамгаалалттай
  • 6” буюу 150 mm-ээс багагүй үдээстэй түрийтэй
  • Хэмжээ: 36-45

Туршлагатай, сонирхсон ханган нийлүүлэгчид нь хавсралтад байгаа “Оролцох сонирхлоо илэрхийлэх хүсэлт”-ийн Хяналтын хуудсыг бүрэн бөглөж, хамгийн цөөндөө дор дурдсан мэдээлэл, бичиг баримтуудыг хавсарган хамт ирүүлнэ үү:

Шаардлагатай бичиг баримтууд:

  • Улсын бүртгэлийн гэрчилгээ (хуулбар)
  • Эрүүл мэнд, аюулгүй ажиллагаа болон байгаль орчны бодлогын баримт бичгүүд & журмууд (хуулбар);
  • Бизнесийн ёс зүйн хэм хэмжээ, дүрэм [Энэхүү баримт бичиг нь авилга, хээл хахуулийн эсрэг, сонирхлын зөрчил, шударга хөдөлмөр эрхлэлтийн стандарт, хүний эрх, олон талт болон эрх тэгш байдал, талуудын оролцоо, худалдан авалт болон бусад зүйлсийг багтаасан байна.] (хуулбар);
  • Танай компанийн тухай ерөнхий мэдээлэл:
    • Ерөнхий танилцуулга
    • Хувьцаа эзэмшигчдийн мэдээлэл
    • Байгууллагын бүтэц болон нийт ажиллах хүчин
    • Гүйцэтгэх удирдлагын багийн гишүүдийн мэдээлэл, танилцуулга
    • Оюу Толгойн Ханган Нийлүүлэгчдийн Мэдээллийн сангийн бүртгэлийн дугаар
  • Хэрэв холбогдох бичиг баримтууд сүүлийн хэлбэрээр Оюу Толгой компанийн Ханган нийлүүлэгчдийн мэдээллийн санд орсон бол энд тэмдэглэгээ хийнэ үү.

Ажлын цар хүрээнд шаардлагатай нэмэлт бичиг баримтууд:

  • Товч бизнес төлөвлөгөө – 3 хуудсаас ихгүй байх бөгөөд доорх агуулгатай байх:
    • Төслийн тооцоолсон хугацаа,
    • Төслийн санхүүжилтийн эх үүсвэр, тооцоолсон хэмжээ,
    • Түүхий эдийн ханган нийлүүлэлтийн сүлжээ,
    • Үйлдвэрийн байршил, тооцоолсон хүчин чадал,
    • Борлуулалтын төлөвлөгөө,
    • Баримжаалсан үнэ (1ширхэг/төгрөг),
  • Ажлын цар хүрээнд тусгагдсан холбогдох ажлын өөрийн эсхүл хамтрагчийн туршлага, танилцуулга – 2 хуудас,
  • Харилцагч байгууллагуудаас гаргасан тодорхойлолт - доод тал нь 2,
  • Бусад нэмэлт ажлын цар хүрээнд шаардлагатай бичиг баримтууд, хэрэв байгаа бол

Сонирхсон ханган нийлүүлэгчид Оюу Толгойн Ханган Нийлүүлэгчдийн мэдээллийн санд http://ot.mn/register-as-a-supplier-en/?eoi цахим хаягаар бүртгүүлсэн байх шаардлагатай бөгөөд “Оролцох сонирхлоо илэрхийлэх хүсэлт” хяналтын хуудасны маягтад бүртгэлийн дугаараа тавьсан байна.

Уг тендертэй холбоотой мэдээлэл өгөх уулзалт доорх хуваарийн дагуу зохион байгуулагдах бөгөөд сонирхсон хувь хүн, аж ахуйн нэгжүүд Procurement@ot.mn хаягт хандаж бүртгүүлнэ үү.

  • Мэдээллийн уулзалтын талаарх дэлгэрэнгүй мэдээллийг бүртгүүлсэн оролцогчдод procurement@ot.mn хаягаар эргэн мэдэгдэх болно.
  • Нэг аж ауйн нэгжээс дээд тал нь 2 хүн оролцох боломжтой.

Хаана

Хэзээ

Мэдээлэл өгөх уулзалтын бүртгэл дуусах хугацаа

Бүртгэл хийх хаяг

Өмнөговь аймаг Ханбогд сум

2017 оны 6 сарын 19

2017 оны 6 сарын 16

Procurement@ot.mn

Өмнөговь аймаг Даланзагад хот

2017 оны 6 сарын 20

2017 оны 6 сарын 19

Улаанбаатар хот

2017 оны 6 сарын 22

2017 оны 6 сарын 21

Оролцох сонирхол илэрхийлэх хүсэлтийг Монгол болон/эсвэл Англи хэл дээр цахим хэлбэрээр RFxBox@ot.mn хаяг руу “Оролцох сонирхлоо илэрхийлэх хүсэлт” -ийн НЭР болон ДУГААР бүхий гарчигтайгаар 2017 оны 6-р сарын 30-ны 17:00 цагаас өмнө ирүүлнэ.

Анхаарах зүйлс:

  • Компани нь зөвхөн Оролцох сонирхлоо илэрхийлэх хүсэлт хүлээн авахаар зарлаж байгаа бөгөөд энэ нь ханган нийлүүлэгчдээс ямар нэг бүтээгдэхүүн, ажил үйлчилгээ худалдан авах амлалт, баталгаа өгч байгаа хэрэг биш юм.
  • Компани нь дутуу, эсвэл заасан хугацаанаас хоцорч ирүүлсэн материалыг хүлээн авахаас татгалзах эрхтэй.
  • Өөр интернэт мэдээллийн сан болон бусад вэб хуудсанд хадгалсан Оролцох сонирхлоо илэрхийлэх хүсэлт болон түүнийг татаж авах холбоос зэргийг хүлээж авахгүй.
  • Компани нь энэхүү Оролцох сонирхлоо илэрхийлэх хүсэлт бэлтгэж ирүүлэхтэй холбоотой аливаа зардлыг хариуцахгүй.
  • Оролцох сонирхол илэрхийлэх хүсэлт зарын хүрээнд асуулт хүлээн авахгүй болно.

“ОЮУ ТОЛГОЙ” ХХК

ХУДАЛДАН АВАЛТЫН ГАЗАР

.